Эшҡыуарлыҡ буйынса милли проект ярҙамында Башҡортостанда аграр предприятие эш миҙгеленән башҡа ла мәшғүллекте һаҡлап ҡала алды

«Авангард» компанияһы БР Кесе һәм урта эшҡыуарлыҡты үҫтереү һәм уға ярҙам итеү буйынса агентлыҡтың Төбәк гарантия фондына поручителлек һорап мөрәжәғәт итте. «Кесе һәм урта эшҡыуарлыҡ һәм шәхси эшҡыуарлыҡ башланғысына ярҙам» милли проекты сиктәрендә кесе бизнес өсөн финанс ресурстарға инә алыуҙы киңәйтеү ярҙамында ойошма 17 миллиондан ашыу кредит сараларын йәлеп итә алды.

«Авангард» йәмғиәте ҡатнаш ауыл хужалығы – малсылыҡ һәм үҫемлекселек менән шөғөлләнә: һыйыр малы ите, һөт етештерә, иген, иген-ҡуҙаҡлы, мал аҙығы һәм майлы культуралар үҫтерә.

«Предприятиебыҙ эшмәкәрлеген 2010 йылдан бирле алып бара. Хеҙмәткәрҙәрҙең уртаса һаны 180 кеше. Алынған финанстарҙы әйләнеш сараларын тулыландырыуға юнәлттек, был етештереүҙе арттырырға, миҙгелдән тыш ваҡытта эшмәкәрлекте һаҡларға, продукцияны һатыуҙың географияһын киңәйтергә мөмкинлек бирҙе», - ти ойошма етәксеһе.

Башҡортостандың Төбәк гарантия фонды биргән поручителлектең максималь суммаһы 25 млн һум тәшкил итә, поручителлектең күләме – займ суммаһынан 70 процентҡа тиклем. Документтарҙың формаһы, уларҙы тапшырыу шарттары, шулай уҡ партнер-банктар www.gf-cmbrb.ru сайтында күрһәтелгән. Белешмәләр 8 (347) 224-99-99 буйынса.

#КесеҺәмУртаЭшҡыуарлыҡ

#ТөбәкГарантияФонды

#МиллиПроекттарБашҡортостан

Яңылыҡ һәм фото сығанағы: https://biznestur.bashkortostan.ru/