Балыҡлы ауылындағы 3157-се участка һайлау комиссияһы

Фёдоровка районы Балыҡлы ауылындағы 3157-се участка һайлау комиссияһы ауыл мәҙәниәт йортонда урынлашҡан. Һайлауға олоһо ла, кесеһе лә килә. Иң өлкән һайлаусыларҙың береһе, 86 йәшлек Әбдрәшитов Минеғәли Юныс улы шунда уҡ табип ярҙамын ала алды. Һайлаусылар өсөн бындай мөмкинлекте үҙәк район дауаханаһы ойошторған. Теләге булғандар шулай уҡ почта бүлексәһе хеҙмәттәренән файҙалана алды. Үҙешмәкәр сәнғәттә ҡатнашыусыларҙың концертын күптәр ихласлап ҡараны.