+17 °С
Болотло
Бөтә яңылыҡтар
Общие статьи
8 Июнь 2018, 10:46

Юбилейға бүләк

Район һәм республика гәзиттәре редакцияларында “Аҙна һайын приз” акцияһы буйынса приздар уйнатыу дауам итә. Яратҡан “Ашҡаҙар таңдары” район гәзитенән тыш, Юлдаштан Ҡотлоюлова Рәйсә Ниғәмәтйән ҡыҙы йыл һайын “Йәшлек” гәзитен дә яҙҙыра. Май аҙағында ул матур юбилейын билдәләгән һәм, заказ буйынса кеүек, республика гәзитенән приз – сәй сервизы отҡан. Был түңәрәк датаһына матур бүләк булған.

-“Йәшлек” артабан да тематикаһы һәм күтәрелгән мәсьәләләре буйынса ҡыҙыҡлы булып ҡалһын. Көтөлмәгән бүләк өсөн рәхмәт. Ә урындағы гәзитте бик яратам, уға оҙон ғүмер һәм именлек, яҙылыусыларының һәм ҡыҙыҡлы материалдарының күп булыуын теләйем. Бөтәһен дә район гәзитенә һәм, мөмкинлектәре булһа, республика баҫмаларына яҙылырға саҡырам, - ти Рәйсә Ниғәмәтйән ҡыҙы.

Гөлимә Кинйәбаева,

Юлдаш ауылы.

Автор фотоһы.
Читайте нас: