Дәүләттең хәстәрлеге ҙур

Киләһе йылда районыбыҙҙың йәнә һигеҙ йәш кешеһенә шундай уҡ бәхет йылмаясаҡ. Уҙған аҙнала Фёдоровка ауылының Ҡояшлы урамында йәтим балалар өсөн социаль йорт төҙөлә башланы. Объектта әле Мәләүез ҡалаһынан “Производство-төҙөлөш компанияһы” йәмғиәте төҙөүселәре эшләй. Әле нигеҙ һалалар, бер аҙнанан шлак блоктарҙан стена күтәрә башлаясаҡтар. Бригадала һигеҙ тәжрибәле белгес эшләй.

-Коллектив берҙәм, татыу, етди. Унынсы йыл инде бергә эшләйбеҙ. Эштәр уңай ғына барһа, октябрҙә төҙөлөштө тамамлаясаҡбыҙ,- ти йәмғиәттең баш инженеры Спиридонов Константин Сергеевич.

Торлаҡ бирелеүе ата-әсә ҡарауынан мәхрүм ҡалған йәштәр өсөн ҙур ярҙам буласаҡ. Дәүләтебеҙҙең үҙ граждандарын хәстәрләүе ҡыуаныслы.

А. МАРАТОВА.