Иркутск халҡына гуманитар ярҙам

Бөтәһе Рәсәй Почтаһы һәм Рәсәй Йәмәғәт телевидениеһы ойошторған гуманитар акция башланғандан бирле рәсәйлеләр 13 меңдән ашыу посылка ебәргән.

Посылкаларҙа тәү сиратта шәхси гигиена саралары һәм тиҙ боҙолмаусы аҙыҡ-төлөк продукттары ебәрәләр. Республиканың бөтә почта бүлексәләрендә лә түләүһеҙ ебәреүгә шәхси гигиена саралары (шампундәр, теш пастаһы, теш щеткалары, һабын һ.б.); йыуыу һәм дезинфекциялау саралары; урын-ер кәрәк-ярағы; кейем һәм аяҡ кейеме; таҫтамалдар, мендәрҙәр, юрғандар; тиҙ боҙолмаусы аҙыҡ-төлөк продукттары; кеҫә телефондары ҡабул ителә.

Ҡулланылышта булған әйберҙәр ебәреү рөхсәт ителмәгәнлеген иҫәпкә алырға кәрәк. Гуманитар ярҙам менән посылкалар ныҡлы төрөлгән булырға тейеш. Посылкаларҙы ебәреү адресы: Рәсәй Ҡыҙыл Тәреһенең Иркутск бүлексәһе. 664005, Иркутск өлкәһе, Иркутск ҡалаһы, 2-се Тимер юл урамы, 9А. Посылкала “Гуманитар ярҙам” тип яҙырға кәрәк. Ебәреүсегә чек бирелә, уның һаны буйынса Рәсәй Почтаһында йәки мобиль ҡушымтала гуманитар йөктөң йүнәлешен ҡарарға мөмкин.