Ҡоролоҡтан ҡурҡырға кәрәкмәй

Ейәнсура районында республикала аналогтары булмаған Valley заманса һыу һибеү системаһы эшләй. Ҡоролма 250 гектар майҙанда урынлаштырылған. Улар А 7 Агро РБ ауыл хужалығы предприятиеһының яңы малсылыҡ комплексының бөтә территорияһын биләп тора. Сифатлы һыу һибеү йәй буйына күп йыллыҡ үләндәрҙе ике-өс тапҡыр сабып алырға, фермаларҙы мал аҙығы менән тәьмин итергә мөмкинлек бирәсәк.Бөгөн хужалыҡ белгестәре ошо ҡоролманы республиканың киң мәғлүмәт саралары вәкилдәренә күрһәтәсәк. Сарала Рәсәй Ауыл хужалығы министрлығының Мелиорация департаменты директоры Валерий Жуков, БР Ауыл хужалығы министрлығы етәкселеге ҡатнашасаҡ.