Бына шундай бай уңыш!

Аҡбулат ауылында йәшәүсе олатайым менән өләсәйем Шәкүр менән Мөнирә Аҡсуриндар быйыл картуфтан мул уңыш алды. Бер төптән хатта 13 эре картуф сыҡты! Өләсәйем: “Хоҙайҙың рәхмәте, Аллаһыға шөкөр”, - тип ҡыуана-ҡыуана уңышын йыйҙы. Өлкән йәштә булыуҙарына ҡарамаҫтан, улар ҙур баҡса үҫтерә, унда йәнең теләгән бар нимә лә үҫә. Күҙ теймәһен, йәштәргә өлгө булырлыҡтар.