-3 °С
Болотло
Бөтә яңылыҡтар
Эргәләгеләр тураһында
11 Сентябрь 2019, 18:42

Ихата тулы сәскә

Сәскәләр тураһында әңгәмә башланһа, күңелдән генә Мөхәмәтәмин һәм Зилә Насировтарҙың ихатаһына барып эләгәм.

Сәскәләр тураһында әңгәмә башланһа, күңелдән генә Мөхәмәтәмин һәм Зилә Насировтарҙың ихатаһына барып эләгәм. Яҙҙың тәүге көнөнән башлап көҙгә тиклем тырыш хужаларҙың ишек алдарында төрлө-төрлө сәскәләр хуш еҫтәрен аңҡытып ултыра. Һәм был бик шәп! Күҙ алдығыҙға ғына килтерегеҙ, ике яғынан сәскәләр тулып ултырған клумбалар теҙелгән һуҡмаҡ буйлап атлайһығыҙ. Уларҙың төрлөлөгөнән күҙҙәр ҡамаша. Ә хуш еҫтәре ни тора?! Петунияларҙың, лобелияларҙың, клематистарҙың һәм, әлбиттә, раузаларҙың еҫтәренән баш әйләнеп киткән кеүек була. Ә үтеп барыусы йәй символы – ул ниндәй сәскә, беләһегеҙме? Әлбиттә, георгиндар һәм хризантемалар. Зилә апайҙа уларҙың ниндәй генә сорттары юҡ! Мин сәскәләр яратам. Тыуған көндәр, беҙ яратҡан байрам – 8-се март – бөтә ошо байрамдар ҙа беҙгә бүләк иткән, үҙебеҙ бүләк иткән сәскәләр менән бәйле. Сәскәләр – ул шатлыҡ, йылмайыу өсөн бер сәбәп бит!
Читайте нас: