"Кинйә эҙҙәре буйлап"

17 февраль Көйөргәҙе районының Кинйәабыҙ ауылында "Айыҡ ауыл" Республика конкурсы сиктәрендә "Кинйә эҙҙәре буйлап" тип аталған ҙур сара уҙҙы. Төрлө ярыштар ойошторолдо, ҙур концерт программаһы әҙерләнгәйне. Башҡорт халҡының милли геройы Кинйә Арыҫлановтың музейына экскурсия, Бөйөк Ватан һуғышында, хәрби хәрәкәттәрҙә ҡатнашҡан яугирҙәр хөрмәтенә ойошторолған хәтер кисәһе илһөйәрлек тойғоларын нығытты.

 Беҙҙең Фёдоровка районынан Батыр һәм Юлдаш ауылы вәкилдәре ҡунаҡ сифатында һәм уҡ атыуҙа ярышыусы булараҡ ҡатнашты.

Ф. ЮЛДАШБАЕВ.

Фотолар автор тарафынан тапшырылды.

#Юлдашайыҡауыл

#трезвоесело