Стартҡа тәрбиәселәр сыҡты

Мәктәпкәсә белем биреү учреждениелары хеҙмәткәрҙәре араһындағы спартакиадала ҡатнашып, тәрбиәселәр күп тәьҫораттар һәм көс-дәрт алды.

Бындай сара районда беренсе мәртәбә үткәрелеүенә ҡарамаҫтан, физик сынығыуҙарын күрһәтергә, коллегалары менән аралашырға теләүҙәрен белдереүселәр байтаҡ булды. 26 сентябрҙә физкультура-һауыҡтырыу комплексында 16 балалар баҡсаһынан хеҙмәткәрҙәр йыйылды.