Башҡортостан юғары уҡыу йорттарында дәүләт хеҙмәткәрҙәрен әҙерләйәсәктәр

Төбәктең юғары уҡыу йорттарында дәүләт хеҙмәте өсөн белгестәр әҙерләү мәсьәләләрен Рәсәй Президентының төбәк ҡабул итеү бүлмәһендә Башҡортостан Республикаһы буйынса баш федераль инспектор Михаил Закомалдин етәкселегендә үткән координацион кәңәшмәлә ҡаранылар.

Бөгөн юғары уҡыу йорттарында Рәсәй Федерацияһы Президенты билдәләгән милли проекттарҙы үтәүгә йүнәлтелгән идарасылар профилдәрен әҙерләү, шулай уҡ дәүләт менеджменты тармағында кадрҙар әҙерләүсе университеттарҙың кафедраларына грант төрөндә ярҙам итеү өсөн киңерәк шарттар булдырыу мохтажлығы тыуҙы, тип билдәләнеләр кәңәшмәлә ҡатнашыусылар. Маҡсатлы һәм өҙлөкһөҙ уҡытыуҙың замансараҡ механизмы бөтә кимәл властың дәүләт структуралары өсөн кадрҙар проблемаһын хәл итергә мөмкин.

#национальныепроекты