«Мәғариф» милли проекты: Стәрлетамаҡ «Йәш һөнәрмәндәр» Милли чемпионатында ҡатнашҡан

Башҡортостан Республикаһында «Йәш һөнәрмәндәр» (WorldSkillsRussia) IX Милли чемпионаты тамамланды. Рәсәйҙең 76 төбәгенән 2000 ҡатнашыусы 105 компетенция буйынса иң яҡшылар исеме өсөн ярышты. Башҡортостан командаһы икенсе урынды яуланы.

          Чемпионатта республика командаһы составында Стәрлетамаҡ колледждары студенттары, мәктәптәр, гимназиялар, лицейҙар уҡыусылары ла ҡатнашты. Семен Дядюрин «Инженер дизайны» компетенцияһында юниорҙар араһында көмөш призер булды, Данил Васильев «Видеопроизводство» компетенцияһында өсөнсө урынды яуланы.

          Стәрлетамаҡ төҙөлөш һәм һөнәри технологиялар колледжы уҡыусыларында ике призлы урын – «CAD инженер дизайны»  компетенцияһында көмөш һәм «Түбә эштәре» компетенцияһында бронза.

Яңылыҡ һәм фото сығанағы: https://sterlitamakadm.ru/