Баҫмабыҙға тоғро ҡалыусыларға рәхмәт

Сәғәт ярым эсендә “Ашҡаҙар таңдары” (“Ашкадар таннары”,  “Ашкадарские зори”) гәзитенә 16 кеше яҙылды. Беҙ дуҫтарыбыҙға баҫмабыҙҙы яратыуҙары һәм уҡыуҙары өсөн рәхмәтлебеҙ. Иғтибарығыҙ һәм гәзит һөйөүегеҙ өсөн рәхмәт.

Был аҙнала ошо уҡ миссия менән район хакимиәтенә булдыҡ. Бында  гәзитебеҙгә 17 кеше яҙылды. Шуныһы ҡыуаныслы: уларҙың икәүһе: муниципаль район Советы секретары Илһам Баҡыев һәм Фёдоровка районы ирҙәр Советы рәйесе Илшат Ҡолошев “Изге яҙылыу” акцияһында ҡатнашты һәм махсус хәрби операцияла ҡатнашыусыларҙың ғаиләләренә район гәзитенә яҙылыуҙы рәсмиләштерҙе. “Яҡлаусыларыбыҙға ярҙам итеү, уларҙың яҡындары  хаҡында хәстәрлек күреү -  һәр беребеҙҙең бурысы. Шулай итеп беҙ берҙәм булыуыбыҙҙы, яугирҙәребеҙҙең батырлығына тәрән ихтирам белдерәбеҙ, һәләк булыусыларҙы онотмауыбыҙҙы күрһәтәбеҙ”, - тине Илшат Мәхмүт улы.