Оҫтабикәнең мәшәҡәттәре күп

Батыр ауылынан оҫтабикә Багаева Хәлисә Шаһыбал ҡыҙы Өфөлә телеүҙәктә үткән Ололар көнөнә бағышланған сарала ҡатнашты. Байрамда теле-радиола эшләүсе ветерандар ҡатнашты. Яҡташыбыҙҙы башҡорт ҡатындарының милли түшелдеректәре күргәҙмәһе менән саҡырғандар. Иртәгә Хәлисә Шаһыбал ҡыҙы Мәләүез ҡалаһы 9-сы гимназияһында шуларҙы эшләү буйынса мастер-класс күрһәтәсәк. Ул бында ҡаланың “Ағинәйҙәр” йәмәғәт берләшмәһе үтенесе буйынса бара.

Делегаттар һайланды

2017 йылдың 4 декабрендә М. Ғафури ис. Башҡорт дәүләт академия театрында “Башҡортостан Республикаһының башҡорт ҡатындары йәмғиәте” һәм Бөтә донъя башҡорттары ҡоролтайы башҡорт ҡатын-ҡыҙҙарының IV Съезын үткәрә. Уның эшендә ҡатнашыу өсөн ике делегат- Минисара Иҫәнғолова (“Ағинәйҙәр” район берләшмәһе етәксеһе) һәм Алһыу Тәтегәсева (район башҡорттары ҡоролтайы башҡарма комитеты рәйесе) һайланды.