Тәмлекәстәр яратыусыларға

Ошо көндәрҙә Өсбүләк ауылында “Бүләк” кулинария цехы үҙ эшмәкәрлеген башлап ебәрҙе. Бында ашнаҡсылар милли ризыҡ- бауырһаҡ бешерәсәк. Уны экологик яҡтан таҙа продукттан, яңы үҙенсәлекле рецепт буйынса әҙерләйәсәктәр. Был тәмлекәсте теләге булғандар ауыл хужалығы йәрминкәһендә тәмләй аласаҡ.

Балаларға- тарихи шәхестәр хаҡында
3 ноябрҙә Фёдоровка ауылы “Ҡыңғырау” балалар баҡсаһында Халыҡтар беҙәмлеге көнө айҡанлы күңел асыу саралары үткәреләсәк. Балалар Тыуған ил, халыҡтар дуҫлығы тураһында йырҙар йырлаясаҡ, шиғырҙар һөйләйәсәк, ә тәрбиәселәре уларға К. Минин менән Д. Пожарский хаҡында бәйән итәсәк.