«Тормош ҡайнай»

Динес мәктәбенең спорт залында балалар менән эш туҡтап тормай. Көндөҙ балалар физультура дәрестәрендә волейбол, футбол уйнай, йәиһә мәктәп тирәләй саңғыла йүгерә, кис өҫтәмә занятиеларға йөрөй. Күптән түгел мәктәп уҡыусылары, студенттар, ауыл йәштәре араһында баскетбол буйынса ярыштар уҙҙы. Студенттар командаһы еңде.

Ауыл халҡы тураһындағы баҫма
20 ғинуарҙа Веселовка ауылы клубында В.М. Ерохин- Ярухха Виттиҙың “Наша Веселовка- Кинчеккей” китабының исем туйы булды. Автор эшләнгән эш тураһында ентекле һөйләне, байрам ҡунаҡтары барыһын да яҡташтары тарихы менән ҡыҙыҡһынырға, киләсәк быуын өсөн мәғлүмәт йыйырға саҡырҙы.