Батырлыҡ күрһәттеләр

Бала Сытырман ауылы мәктәбендә Советтар Союзы Геройы Ғ.А. Әхмәров призына милли көрәш буйынса ярыштар уҙҙы. Унда 40 спортсы ҡатнашты. Мәләүез районы көрәшселәре лә шулар иҫәбендә.

Туғыҙ ауырлыҡ категорияһында Морат Дәүләтбирҙин, Константин менән Никита Ульяновтар, Арсений Саргисян, Ваге Миносян (Бала Сытырман мәктәбенән) һәм мәләүездәр Арыҫлан Һыртланов, Булат Кәфдәнғәлиев, Динис Иманаев һәм Марсель Фәйзуллин чемпион булдылар.

Иң яҡшы механизатор конкурсы
Яҙғы баҫыу эштәре башланыу менән механизаторҙар араһында конкурс старт ала. Ул иң яҡшы баҫыу хеҙмәткәрен асыҡлаясаҡ. Еңеүсе булыр өсөн дым ҡаплатыуҙа, культивациялауҙа, иген, техник культураларҙы һ.б. сәсеүҙә юғары уңыштарға ирешергә кәрәк.