Йәйге лагерға күсәсәктәр

“Линар” йәмғиәтендә малдарҙы йәйге лагерға күсерергә әҙерҙәр. Биналарҙа ремонт эштәре башҡарылған, электр тоташтыраһы ғына ҡалған.

Сәсеүгә төшкәндәр

Һауа шарттары аграрийҙарға баҫыуға сығырға тулы мөмкинлек бирә. Райондың күпселек хужалыҡтарында сәсеүгә төшкәндәр. “Азат”, “Нива”, “Башҡорт ҡаҙы” йәмғиәттәрендә, М.В. Фрунзе ис. кооперативта һоло сәсәләр. “Линар” йәмғиәтендә бойҙай һәм горчица уңышына нигеҙ һалалар, фрунзеләр борсаҡ сәсә. Азаттар көнбағыш сәсеүгә сыҡҡан. “Агросервис” йәмғиәтендә етен сәсеүгә төшкәндәр.