Грант ал!

«iВолга» форумы – ҡыҙыҡлы автор проекттары булған ҡатнашыусылар өсөн уларҙы артабан бойомға ашырыуға грант алыу мөмкинлеге булып тора. Ул 26 июлдән 4 авгусҡаса дауам итә. Волга буйы Федераль округы масштаблы форумында ҡатнашыу бушлай. Ентекле мәғлүмәт ivolgaforum.ru. сайтында.

Йәнә еңеү яуланылар

Күмертау ҡалаһында «Кумертау авиация производство предприятиеһы» йәмғиәте призына тиҙ шахматтар буйынса Асыҡ турнир уҙҙы. «Гамбит» (клуб етәксеһе Кәшәев Д.Ш.) клубында шөғөлләнеүсе балалар уңышлы сығыш яһаны. 10 йәшкә тиклемге ҡыҙҙар араһында Хәйбуллина Айзилә (3 синыф, Фёдоровка 2-се мәктәбе) 3-сө урынға сыҡты. 10 йәшкә тиклемге малайҙар араһында Рәхмәтуллин Ислам (3 синыф, Фёдоровка 2-се мәктәбе) 4-се урын алды.