Балаларҙың йәйге хәүефһеҙлеге

Йәй каникул ҡыуаныстар ғына килтермәй, балалар өсөн хәүефле осор ҙа булып тора. Был күп төрлө факторҙарға бәйле. Йәйен балалар йылғаға һыу инергә, урманда уйнарға бара, ҡыҙыу ҡояш, бөжәктәр һәм тиҙ боҙола торған аҙыҡ уларға ҡурҡыныс менән янай. Шуға бәйле, район мәктәптәрендә ата-әсәләр йыйылыштары үткәрелә, унда балаларҙың йәйен үҙҙәрен тотоу ҡағиҙәләре тураһында һөйләшәләр. Шулай уҡ Интернет селтәрендә балаларҙың хәүефһеҙлеге тураһындағы мәсьәлә лә ҡарала.