Паркта байрам

Бөгөн ял итеү паркында театрлаштырылған “Ихата байрамы” тамашаһы уҙҙы. Уны район балалар китапханаһы һәм “Ғаилә” Көньяҡ күп функциялы учреждение хеҙмәткәрҙәре ойошторҙо. Балалар ҡыуанып был сараға йыйылды. Уларҙы әкиәт геройҙары костюмдары кейгән бәләкәй артистар ҡаршыланы. Байрам программаһындағы күңелле һәм ҡыҙыҡлы конкурстарҙа, йомаҡтар сисеүҙә, викториналарҙа ололар ҙа, балалар ҙа рәхәтләнеп ҡатнашты.