Финалда кем еңеүсе?

Ошо көндәрҙә физкультура-һауыҡтырыу комплексында Фёдоровка районы ауыл биләмәләренең йыйылма командалары араһында волейбол буйынса финал ярыштары уҙҙы. Дедово, Үрге Яуыш (командалар составында ауыл биләмәләре башлыҡтары ла бар ине), Разин, Гончаровка ауыл биләмәләре спортсылары осрашты. Өсөнсө урын өсөн Разин һәм Үрге Яуыш ауыл биләмәләре командалары уйнаны. 2:0 иҫәбе менән Һәйеттәр еңде. Беренсе һәм икенсе урын өсөн дедоволар һәм гончаровкалар көс һынашты. 2:1 иҫәбе менән Гончаровка ауыл биләмәһе командаһы еңде. Еңеүселәр һәм призерҙар Йәштәр эштәре һәм спорт комитетының миҙалдары һәм Почет грамоталары менән бүләкләнде. Янғын хәүефһеҙлеген ҡайғырталарБала Сытырман ауыл клубында Яңы йылға етди әҙерләнәләр. Биналарҙы байрамға биҙәр алдынан мәҙәниәт хеҙмәткәрҙәре янғын хәүефһеҙлек инструктажын үткәрҙе, ут һүндергестәрҙе, янғын тураһында хәбәр итеү төймәләрен тикшерҙе.