Квитанцияларығыҙҙы иғтибар менән тикшерегеҙ

Квитанцияларығыҙҙы иғтибар менән тикшерегеҙ

“Эко-Сити” төбәк операторы хеҙмәтләндергән зонаға ингән ҡалалар һәм райондар халҡына 15 февралдән ҡаты көнкүреш ҡалдыҡтарын эшкәрткән өсөн квитанциялар килә башлаясаҡ.

Абоненттарға квитанцияла күрһәтелгән мәғлүмәтте, шул исәптән теркәүҙә торған кешеләр һанын иғтибар менән тикшерергә кәрәк. Был ҡулланыусылар тураһында төбәк операторына бирелгән мәғлүмәтте көнүҙәкләштереү өсөн мөһим.

Әгәр хата табаһығыҙ икән, Фёдоровка ауылы, Ленин урамы, 57-се йортҡа “Энергосбыт” компанияһына мөрәжәғәт итегеҙ, ә киләһе айҙа һеҙгә ҡайтанан иҫәпләнгән сумма киләсәк. Коммуналь хеҙмәттәргә, шул иҫәптән ҡаты көнкүреш ҡалдыҡтары өсөн дә түләүҙе ҡайтанан иҫәпләү РФ Хөкүмәтенең 354-се ҡарары менән раҫланған.

Әгәр йорт хужаһы йәиһә ошо йортта теркәлгән башҡа берәү күпмелер ваҡыт бында йәшәмәй икән, ул саҡта төбәк операторына (“Энергосбыт” компанияһы офистарында) ҡайтанан иҫәпләү тураһында ғариза һәм өйҙә булмаған осорҙо иҫбатлаусы документты тапшырырға кәрәк. (Документтар исемлеге “Ашҡаҙар таңдары” гәзитенең 1 февралендәге 10 һанында баҫтырылды).

Ҡайтанан иҫәпләү хужаның торлаҡ йортта йәшәмәгән осорона яһаласаҡ.

Бөтә һорауҙарығыҙ менән “Эко-Сити” төбәк операторының 8-800-700-49-00 ҡыҙыу линия телефонына шылтыратырға мөмкин. Шулай уҡ республика халҡына ҡаты көнкүреш ҡалдыҡтары буйынса коммуналь хеҙмәттәр өсөн түләү тәртибе мониторингы буйынса ҡыҙыу линия ойошторолдо. Бөтә төр боҙоуҙар буйынса граждандар 8(347) 280-82-36 телефоны йәиһә [email protected]. электрон адресына мөрәжәғәт итә ала.

О. АРАМЕЛЕВА, “Эко-Сити” төбәк операторы мәғлүмәт секретары.

Өҫтәмә: “ЭСКБ” йәмғиәте Башҡортостандың өс төбәк операторы: “Эко-Сити”, “Экология-Т”, “Дюртюлимелиоводстрой” йәмғиәттәре менән агентлыҡ килешеүҙәре төҙөгән. Килешеү шарттарына ярашлы, төбәк операторҙары “ЭСКБ” йәмғиәтенә БР граждандары-ҡулланыусылар өсөн ҡаты көнкүреш ҡалдыҡтарын йыйған өсөн түләүҙәр хаҡында мәғлүмәт тапшыра. Артабан был сумма түләү ҡағыҙының яңы – “Ҡаты көнкүреш ҡалдыҡтары менән эшләү” графаһында күрһәтелә. “Башэлектросбыт” офистарында ҡайтанан иҫәпләүгә, ошо хеҙмәт буйынса льгота һәм субсидиялар алыуға документтар тапшырырға мөмкин.