Ипотекаңды түләй алмаһаң, каникулға сығып тор.

Ипотекаңды түләй алмаһаң, каникулға сығып тор.

Бөгөн кредитһыҙ кеше һирәктер ул. Әлбиттә, был эштең яуаплылыҡ талап иткәнен аңлау, алдан уҡ үҙеңдең хәлеңде, бурысыңды түләү мөмкинлегеңде самалау мөһим. Әммә тормошта төрлө хәлдәр килеп тыуыуы ихтимал – оҙайлы ауырыу, эшһеҙ ҡалыу һәм башҡалар.

Ил Президенты үҙенең йыллыҡ Мөрәжәғәтнамәһендә ошо йәһәттән граждандарҙы яҡлау өсөн закондарға нигеҙләнгән өҫтәмә гарантиялар кәрәклеген билдәләне.

– Килеменән яҙған кешеләр өсөн “ипотека каникулы” булдырырға тәҡдим итәм. Кешегә берҙән-бер торлағын һаҡлау, бурысын аҙағыраҡ түләү мөмкинлеген бирергә кәрәк. Быны бик уйлап эшләү зарур: финанс ойошмалар ҙа артыҡ зыян күрмәҫкә тейеш, шул уҡ ваҡытта кеше мәнфәғәтен дә оноторға ярамай, – тине Владимир Путин.

Шулай уҡ ил Башлығы хоҡуҡ һаҡлау органдарына ҡыҫҡа ваҡыт эсендә микрокредитлау баҙарында тәртип булдырырға, кешеләрҙе төрлө мутлашыуҙарҙан араларға ҡушты.

("Башҡортостан" гәзитенән алынды).