Башҡортостандың бөтә муниципалитеттары ла “инвестиция сәғәттәре” үткәрәсәк

2019 йылдың 21 мартында Федоровкала тәүге “Инвестсәғәт” үтте. Унда муниципалитет территорияһында бойомға ашырыуға планлаштырылған ике проектты ҡаранылар. Беренсеһе Динес ауыл советында бал етештереү һәм эшкәртеү булһа, икенсеһе – Пугачев ауыл советында һөт етештереү һәм эшкәртеү. Осрашыу барышында инвесторҙар тарафынан бирелгән һорауҙар ер участкаларын дөрөҫ һәм законлы рәсмиләштереү булды.

16 майҙан ҡалаларҙа һәм ауылдарҙа инвесторҙар менән осрашыуҙар онлайн-режимда үтә башлаясаҡ, тип белдерҙе оператив кәңәшмәлә төбәк Башлығы вазифаһын ваҡытлыса башҡарыусы Радий Хәбиров.