Ауыл йәштәре менән "Китапхана төнө" үткәргәндәр

Ҡораласыҡ ауыл китапханаһында шәмбе, 20 апрелдә, “Китапхана төнө-2019” Бөтә Рәсәй акцияһы сиктәрендә ҡыҙыҡлы саралар үткәргәндәр. Уларҙа ялға ҡайтҡан студенттар, ауыл йәштәре ҡатнашҡан. Егет һәм ҡыҙҙар башҡорт драматургы Мостай Кәримдең “Ҡыҙ урлау” комедияһын ролдәргә бүлеп уҡығандар. Артабан үҙҙәре уйлап сығарған сценарий буйынса ҡурсаҡ театры ҡуйғандар. Сара бик ҡыҙыҡлы һәм мауыҡтырғыс үткән.