Иң мөһиме – хәүефһеҙлек!

Янғын хәүефһеҙлеге буйынса “Юғары әҙерлек” режимына бәйле, Покровка ауыл советы ауыл биләмәһендә янғын хәүефле хәлде булдырмау буйынса профилактика саралары башҡарыла. Ошо көндәрҙә унда ҡоры үләнде йыйғандар. Шулай уҡ халыҡҡа яҙғы-йәйге осорҙа янғын хәүефһеҙлеге тураһында мәғлүмәт менән памяткалар тараттылар.Халыҡтың хәтеренә төшөрәбеҙ: ҡоро үләнде яндырырға, усаҡтар яғырға, һүндерелмәгән тәмәке төпсөктәре ташларға, янғын хәүефле эштәр башҡарырға ярамай. Былар бөтәһе лә уттың йорттарға, ҡаралты-ҡураларға күсеүенә килтерергә мөмкин.