Хәрби әҙерлектәрен һәм экология һаҡсылары булыуҙарын күрһәттеләр

Район турстанцияһында дөйөм республика конкурсы сиктәрендә “Һаҡсылар, алға” район конкурсы үтте. Унда райондың ун мәктәбенән 3-4 синыф уҡыусылары командалары ҡатнашты. Балалар йырҙар менән сафта атлауҙа, маяҡтарға ҡағылмайса велосипедта йөрөүҙә, ҡаршылыҡтар һыҙатын үтеүҙә ҡатнашты. Ә капитандар, командалары ярҙамында, “лабиринт буйлап автомашинала йөрөнө” – былар бөтәһе лә тиҙлеккә булды. Һуңынан сүпте сорттарға айырыу, һыуҙы таҙартыу буйынса ярыштылар. Балаларға ғына түгел, өлкәндәргә ла ҡыҙыҡлы сара булды был.

Г. Баҡыева.