Китапханаға- бөтә ғаилә менән

Фёдоровка районында йәшәүсе кешеләр тырышып эшләй ҙә, ялын ҡыҙыҡлы үткәрә лә белә. Быны төрлө саралар үткәреүсе мәҙәниәт хеҙмәткәрҙәре хәстәрләй. Китапханалар ҙа бында тос өлөш индерә.

Мәҫәлән, Үрге Алаштан ауыл китапханасылары ауылдаштарын ҡайғыртып, ҡыҙыҡлы яңы баҫмалар һәм китаптар әҙерләгән. Китаптар артынан гәзит-журналдар яратыусы, әммә уларҙы яҙҙырыу һәм һатып алыу мөмкинлеге булмаған кешеләр килә ала.

Бында бөтә ғаилә ағзалары өсөн китап һайларға була. Балалар өсөн дә, хужабикәләр өсөн дә мордва телендә сағыу журналдар, ҡыҙыҡлы баҫмалар бар.