Бесәй балыҡ ярата

Редакция яратҡан йорт хайуандарығыҙҙың күңелле йәки ҡыҙыҡлы фотоһүрәттәре марафоны иғлан итте.Гәзитебеҙ биттәрендә уларҙың бер нисәһе баҫылып сыҡты ла инде.Ҡайһы бер гәзит уҡыусыларыбыҙ фотолар менән бергә видео материалдар ҙа ебәрә. Беҙ уларҙы социаль селтәр биттәрендә урынлаштырасаҡбыҙ.

Шундай күңелле роликты Новосёлка ауылынан Валентина Алексеева ебәргән.Ул бәләкәй бесәй балаһын пипетканан ашатҡан, ул иркә һәм яғымлы бесәй булып үҫкән.Уның бик уйнарға яратҡаны, шаян икәнлеге видеороликтан, ә нисек балыҡ яратыуы икенсе видеонан һәм фотонан асыҡ күренә.

Хөрмәтле гәзит уҡыусыларыбыҙ, яратҡан йорт хайуандарығыҙҙың күңелле йәки ҡыҙыҡлы кадрҙарын беҙгә ебәрегеҙ.Уларҙы беҙ гәзиткә, ә видеоны социаль селтәр биттәренә ҡуйырбыҙ. Кадрҙарҙың ҡасан, ҡайҙа төшөрөлгәнлеген һәм йорт хайуандарығыҙҙың ҡушаматтарын яҙырға онотмағыҙ. Фотоһүрәттәрҙе ҡабул итеүсе ватсап һаны: 8-903-354-68-63.