Путин Федераль монополияға ҡаршы хеҙмәттең милли проекттарҙы тормошҡа ашырғанда конкуренция буйынса позицияһы менән килеште

Федераль монополияға ҡаршы хеҙмәт башлығы Игорь Артемьев РФ президенты Владимир Путин менән осрашыуҙа милли проекттарҙы тормошҡа ашырыуҙа конкуренция тураһында онотмауҙы үтенде. Дәүләт башлығы был моменттың мөһимлеге менән килеште.

“Милли проекттарға бәйле булған майҙағы указдарҙы илдәге конкуренцияны үҫтереү тураһындағы указ менән берләштерергә кәрәк, сөнки милли проекттарҙың программа ҡарарҙарында конкуренция тураһында һүҙ бармай”, - тип билдәләне Федераль монополияға ҡаршы хеҙмәт башлығы.

Путин был мәсьәләһеҙ “бөтәһе лә хаҡтар артыуға килтерәсәге” менән килеште.

Артемьев шулай уҡ элегерәк РФ Хөкүмәте рәйесе Федераль монополияға ҡаршы хеҙмәт вәкилдәрен проект комитеттарына индереү тураһында ҡарар ҡабул иткәнлеген хәбәр итте.

“Был милли проекттарҙы конкуренцияны үҫтереү тураһындағы указдан яңылыҡтар менән байытабыҙ. Кешеләргә файҙа килтерергә тейешле был объекттарҙы төҙөү генә түгел, уларҙың конкурент мөхиттә үҫешеүен дә тәьмин итергә кәрәк. Хаҡтар, монополизм артмаҫҡа тейеш, беҙ быға ҡаршы көрәшергә тейеш. Был хөкүмәттә аңлау таба. Ошо мәсьәлә буйынса ярҙамығыҙҙы һорайым”, - тине Федераль монополияға ҡаршы хеҙмәт етәксеһе президентҡа.

“Яҡшы, был бик мөһим. Килешәм”, - тине Путин.

#владимирпутин