Районда “Реаль эштәр” һәм урындағы башланғыстарға ярҙам программаларында ҡатнашып, бихисап эштәр башҡарылды. Капиталь ремонттан һуң бер юлы ике ФАП-тың асылыуы сәләмәтлекте һаҡлау тармағында мөһим аспект булды.
Юрматы медицина учреждениеһына күптән ремонт талап ителә , түбәһенән һыу ағыуҙан туҡтамай ине. Стеналарҙағы ярыҡтарҙан ел өрөп торғас, уларҙың ҡиәфәте йәмһеҙләнгәйне. ФАП-та һыу менән тәьмин итеү системаһының булмауы ҙур уңайһыҙлыҡтар килтерҙе. Йыйыштырыусыға йыл әйләнәһе биҙрәләп һыу ташырға тура килде (21-се быуатта).