Яңыртылған ҡойо күҙҙең яуын алып тора

Бына ошондай матур беседканы күрә ала хәҙер Федоровка ауылы һәм районы халҡы Коммунистик урамы буйынса дауахана яғына күтәрелгәндә юлдан һул яҡта. Күптәр, моғайын, был ҡойо эргәһенән йыш ҡына үткәндер, уның ниндәй торошта булыуын яҡшы хәтерләйҙер. Хәҙер ул сүкеп эшләнгән биҙәкле, асыҡ йәшел төҫлө ҡоймаһы менән күҙҙең яуын алып тора. Тап шундай уҡ беседкалар тағы ла ике урында – Киров һәм Октябрьская урамдарындағы ҡойоларҙа барлыҡҡа килде. Уларҙы ошо көндәрҙә Федоровка ауыл советы заказы буйынса “Монтажсервис” йәмғиәте төҙөкләндерҙе.