+12 °С
Болотло
Бөтә яңылыҡтар
Район яңылыҡтары
24 Июль 2019, 13:46

Мәсет һәм клуб территорияларын, шишмәләрҙе төҙөкләндерҙеләр

Балыҡлыбаш ауылында халыҡ яратҡан “Һаумыһыҙ, ауылдаштар!” байрамына әҙерлек бара.

Балыҡлыбаш ауылында халыҡ яратҡан “Һаумыһыҙ, ауылдаштар!” байрамына әҙерлек бара. Ай башында клуб һәм мәсет территорияларында өмә үткәргәйнеләр: сүп йыйҙылар, сүп үләндәрен саптылар, сәскә түтәлдәрен матурланылар. Был изге эште ауыл клубы мөдире Нурия Тимербулатова ойошторҙо. Ә бер нисә көн элек шишмәләр территорияларын төҙөкләндереү буйынса өмәләр үткәрҙеләр. “Вилдан шишмәһе” биләмәһен балалары менән бергәләп Вилдан хәзрәт Исмәғилев төҙөкләндерҙе. Ә “Йәмилә” шишмәһендә өмәне Фәйрүз Мөрсәлимов менән Сәбилә Шәрипова ойошторҙо. Сүптән таҙартырға, ҡойоно, өҫтәл-эскәмйәләрҙе буярға уларға Йылға урамы халҡы ярҙам итте. Байрамды тағы ла йәмлерәк итергә тырышҡан был ауылдың әүҙем кешеләренә таҙалыҡ, тәртип һәм матурлыҡ өсөн тик рәхмәт кенә әйтәһе ҡала.
Читайте нас: