Мәсетте йыйыштырасаҡтар

Байрам алдынан ғәҙәттә өйҙәрҙе, биналарҙы йыйыштыралар, тәртипкә килтерәләр. Шулай уҡ мәсеттәрҙә, кешеләр йөрөгәс, туҙан да,сүп тә йыйыла, ваҡыты-ваҡыты менән уны йыйыштырып торалар. Хәҙер, 11 августа буласаҡ Ҡорбан ғәйете алдынан, Федоровка мәсетендә бинаны йыйыштырыу буйынса өмә үткәрергә булдылар. Шаршамбы көндө, 7 августа иртәнге сәғәт унға был ваҡытта эштән буш булған мосолман ҡатын-ҡыҙҙары саҡырыла. Туҙанды һөртөп, балаҫтарҙы ҡағырға кәрәк буласаҡ.