Инсультҡа ҡаршы тороу

Рәсәйҙә инсульт үлемгә килтереүсе ауырыуҙар структураһында икенсе урында һәм илебеҙ халҡының инвалидлығында төп фактор булып тора. Әле был ауырыуҙың “йәшәреүе” күҙәтелә.

Инсульттың төп хәүеф факторы булып артериаль баҫымдың күтәрелеүе һәм холестериндың артыуы тора. Алкоголь ҡулланыу, бер һүҙһеҙ йөрәк-ҡан тамырҙары ауырыуҙарының, шул уҡ иҫәптән инсульттың артыуына килтерә.

Тәмәке тартыу һәм инсульт араһында ла бәйләнеш ҙур. Шулай уҡ- гиподинамия. Кешегә көнөнә 30 минут булһа ла физик көсөргәнеш кәрәк.

Хәүеф иҫәбенә шәкәр диабеты, хроник стресс һәм ыңғай эмоцияларҙың етмәүе инә.

Көйләнмәгән факторҙарға беренсе сиратта кешенең йәше инә. 20 йәштән һуң һәр йәшәгән ун йыл мейенең ҡан тамырҙары патологияһын арттыра. Инсульт йәшәреүгә ҡарамаҫтан, күпселектә ул өлкән йәштәгеләрҙе аяҡтан йыға.