Өлкәндәргә - хөрмәт һәм ихтирам

1 октябрҙә йыл да иң изге байрам- Ололар көнө уҙғарыла. Был байрам районыбыҙҙа ла йылы мөхиттә үтте.

Оло йәштәгеләрҙе район хакимиәте башлығы Венер Насретдинов йылы ҡотланы. Ул инәйҙәргә, бабайҙарға хәстәрләйәсәктәрен, иғтибарһыҙ ҡалдырмаясаҡтарын вәғәҙә итте, районда өлкән йәштәгеләргә ярҙам күрһәтеү буйынса алып барылған эштәр тураһында һөйләне. Район тормошонда әүҙем ҡатнашыусы ауыл кешеләре бүләктәргә лайыҡ булды. “Мин яратам һине, тормош” өлкән йәштәгеләр республика конкурсы лауреаттарына Венер Фәрит улы дипломдар тапшырҙы.