Халыҡ-ара ғаилә көнө!

Был байрам 1994 йылдан башлап йыл һайын майҙың унбишендә билдәләнә. Ул һәр кешенең тормошонда ғаиләнең мөһимлеге тураһында уйланырға, яҡын кешеләреңә иғтибар бүлергә мөмкинселек бирә. Был көндө ғаилә ҡиммәттәренә бағышланған трөлө конкурстар, дискуссиялар, концерттар ойошторола. Был сараларҙың маҡсаты – ата-әсәләр һәм балалар мөнәсәбәтенең дөрөҫ моделен индереү, үҫеп килеүсе быуында рухи ҡиммәттәрҙе тәрбиәләү, ғаилә мөнәсәбәттәре институтының мөһимлеген нығытыу.