Башҡортостан өмөтө-2019

Бөгөн Өфөлә “Башҡортостан өмөтө-2019” традицион һәләтле балалар форумы асылды. Форумда Бөтә Рәсәй мәктәп уҡыусылары олимпиадаларының йомғаҡлау этаптары, финанс грамоталылыҡ, Рәсәй Федерацияһы республикалары дәүләт телдәре буйынса олимпиадалар һәм башҡа интеллектуаль ярыштар еңеүселәрен һәм призерҙарын данлаясаҡтар. Сара барышында йәш ҡатнашыусыларҙың Башҡортостан Республикаһы Хөкүмәте ағзалары, республиканың алдынғы юғары уҡыу йорттары ректорҙары менән осрашыуы планлаштырылған. Сараға шулай уҡ йәш интеллектуалдарҙың уҡытыусылары ла саҡырылған, улар һәләтле балалар менән эшләү буйынса һөҙөмтәле инновацион мәғариф методикалары күрһәтелгән семинар эшендә ҡатнаша.