“Ашҡаҙар таңдары” конкурсының еңеүселәре “Джем” кафеһында ял итәсәк

Ошо көндәрҙә гәзитебеҙҙе ҡулдарына тотоп төшкән балалар фотографиялары конкурсы тамамланды. Беҙгә һигеҙ фотография ебәрҙеләр, шулар араһынан тауыш биреү ысулы менән ике еңеүе билдәләнде. Айлина Хәсәнованың сертификаты артынан редакциябыҙға уның туғаны килде. Ә Сабина Дилмөхәмәтова өсөн сертификатты “Ашҡаҙар таңдары” район гәзите редакторы Гөлфиә Әхмәрова кескәй еңеүсенең атаһы Әлфир Дилмөхәмәтовҡа тапшырҙы. Тағы ла бер тапҡыр еңеүселәрҙе ҡотлайбыҙ һәм “Джем” кафеһында күңелле ял итеүҙәрен теләйбеҙ!