Путин Лукашенко менән нефть мәсьәләләрен тикшерәсәк

Белоруссия Президенты Александр Лукашенко Рәсәй Президенты Владимир Путин менән нефть өлкәһендәге мәсьәләләрҙе тикшерәсәк. Был турала республика башлығы «Белоруснефть» йәмғиәтенең генераль директоры Александр Ляхов менән әңгәмәлә әйтте. Был турала Telegram-канал БЕЛТА хәбәр итә.

Лукашенко  2013 йылдан бирле Рәсәйҙә нефть табыу менән шөғөлләнгән белорус компанияһының эшмәкәрлеген баһаланы. «Һеҙгә, әлбиттә, Рәсәй Федерацияһында һәйбәт эшләп китә алыуығыҙ өсөн афарин, тип кенә әйтергә ҡала. Скважиналарҙы ремонтлауҙан башлап, нефть табыуға тиклем барып еттегеҙ», - тип билдәләне ул.

Шулай уҡ Ляховты предприятиеның нефть табыу үҫеше тураһында еткереп торорға ҡушты. Шул уҡ ваҡытта дәүләт башлығы Путин менән артабан ике илдең ошо йүнәлештәге эшмәкәрлеге буйынса фекер алышасағын белдерҙе. Быға тиклем уларҙың һөйләшеүе 9 сентябрҙә буласағы билдәле ине. Әңгәмә барышында ике ил лидеры интеграциялау программаларына ҡул ҡуйырға тейештәр.

Сығанаҡ: LENTA.RU