Ковидтан һуң медицина реабилитацияһын әҙерләүгә 100 миллиард һум аҡса бүленәсәк

Ил башлығы был турала «Берҙәм Рәсәй» сәйәси фирҡәһенең Мәскәүҙә үткән 20-се съезында белдерҙе. Шулай уҡ һаулыҡ һаҡлау системаһының матди-техник һәм кадрҙар базаһын нығытыу маҡсаты ла тора, тине Владимир Путин.

Форумда башҡа һорауҙар ҙа ҡаралды, партияның һайлау алды программаһы билдәләнде, Дәүләт Думаһына кандидаттар исемлеге раҫланды. Башҡортостан делегацияһын «Берҙәм Рәсәй» партияһының төбәк бүлексәһе секретары Радий Хәбиров етәкләй. Радий Фәрит улы билдәләүенсә, республикала алдан тауыш биреү буйынса иң юғары күрһәткес теркәлгән. Праймериз лайыҡлы кандидаттарҙы асыҡлау сараһы булып тора, тине ул.

Баш ньюс.