Өфөлә пенсионерҙар Спартакиадаһы уҙасаҡ

24-27 августа Өфөлә Рәсәй пенсионерҙарының VI Спартакиадаһы уҙасаҡ. Рәсәй пенсионерҙары союзы хәбәр итеүенсә, “көмөш” йәштәге спортсылар өсөн ярыштарға Рәсәйҙең 75 төбәгенән һәм сит илдәрҙән 700 ҡатнашыусы киләсәк.

Сербиянан, Чехиянан, Германиянан, Финляндиянан, Бөйөк Британиянан, Литванан, Франциянан, Әрмәнстандан вәкилдәр ҡатнашыуҙарын раҫланы. Сараны РФ Пенсия фонды ярҙамы менән Рәсәй Федерацияһы Спорт министрлығы, Башҡортостан Республикаһы Хөкүмәте, Рәсәй пенсионерҙары союзы ойоштора.

Хәтерегеҙгә төшөрәбеҙ, сәләмәт тормоштоң оҙайлылығын арттырыу – “Демография” милли проектының өҫтөнлөклө мәсьәләләренең береһе булып тора.

#национальныепроекты