Өфөлә «ЗаБег.РФ» ярым-марафоны үтәсәк

30 майҙа Өфө «Демография» милли проектының «Спорт – тормош нормаһы» төбәк проекты сиктәрендә үткәрелеүсе «ЗаБег.РФ» уникаль ярым-марафонын ҡабул итәсәк. Старт бер юлы Рәсәйҙең 84 ҡалаһында буласаҡ.

Башҡортостандың баш ҡалаһында сара дүртенсе тапҡыр үтәсәк. Ул Мәскәү ваҡыты менән 09.00 сәғәттә (Өфө ваҡыты менән 11.00 сәғәттә) башланасаҡ. Үткәреү урыны – Салауат Юлаев майҙаны, Телеүҙәк. Йүгереүҙә ҡатнашырға теләгәндәргә 1, 5, 10 һәм 21 километрлыҡ дистанциялар тәҡдим ителәсәк.

Ҡатнашыу өсөн https://xn--80acghh.xn--p1ai/ сайтында теркәлергә, 28 йәки 29 майҙа ЭКСПОнан сараның старт пакетын алырға һәм күрһәтелгән ваҡытҡа сараға килергә кәрәк.

Яңылыҡ һәм фото сығанағы: https://mmps.bashkortostan.ru/