Башҡортостан гимнасткалары Рәсәй йәштәренең V йәйге Спартакиадаһында бронза миҙалдар яуланы

4-11 июлдә Краснодарҙа Рәсәй йәштәренең V йәйге Спартакиадаһының спорт гимнастикаһы буйынса финалы үтте. Сарала Рәсәйҙең 42 төбәгенән 180 көслө гимнаст ҡатнашты.

          Башҡортостандың йыйылма командаһы ла уңышлы сығыш яһап, маҡтаулы өсөнсө урынды яуланы. Беҙҙең гимнасткалар ярыштың алтын призерҙары булған Краснодар ҡалаһы командаһы спортсыларынан һәм көмөш яулаған Мәскәү ҡалаһы спортсыларынан ғына бер аҙға ҡалышты.

          Рәсәй йәштәренең V йәйге Спартакиадаһы «Демография» милли проектының «Спорт – тормош нормаһы» федераль проекты сиктәрендә үткәрелә.

Яңылыҡ һәм фото сығанағы: https://sport.bashkortostan.ru/