Башҡортостан уҡсылары Рәсәй йәштәренең V Спартакиадаһы финалында миҙалдар яуланы

10-15 июлдә Краснодар ҡалаһында Рәсәй йәштәренең V Спартакиадаһының 2001-2003 йылғы спортсылар араһында йәйәнән атыу буйынса ярышының финалы үтте. Финал ярыштарында Башҡортостан данын Өфө, Салауат һәм Мәләүез ҡалаларынан уҡсылар яҡланы.

          14 июлдә классик атыуҙа юниорҙар араһында Өфөнән Станислав Черемискин иң мәргәне булды. Ул алтын миҙал яуланы.

          Составында Станислав Черемискин, Мәләүез ҡалаһынан Марат Хәмиҙуллин, Ярослав Кальянов булған юниорҙар командаһы классик атыуҙа икенсе урын алды. Халҡы 2 миллиондан ашыу төбәктәр араһында Башҡортостандың йыйылма командаһы икенсе булды.

          Рәсәй йәштәренең V йәйге Спартакиадаһы «Демография» милли проектының «Спорт – тормош нормаһы» федераль проекты сиктәрендә үткәрелә.

Яңылыҡ һәм фото сығанағы: https://sport.bashkortostan.ru/