Сирҙе еңеп була

“Диабетты еңеп, йәшәргә!” Бөтә Рәсәй мәғлүмәти-профилактик акцияһы ил буйынса бара.

Рәсәйҙең төрлө төбәктәрендә үткәрелгән саралар комплексының инициаторы булып спорт-сы Ирина Слуцкая етәкселегендәге Ирекле физкультура союзы тора. Илебеҙҙең күпселек республикалары һәм өлкәләре был заманыбыҙҙың иң социаль-ҡурҡыныс ауырыуы-шәкәр диабетын профилактикалауға һәм уның менән көрәшкә ҡушыла. Был акция сиктәрендә үткәрелгән саралар диабетты еңеп булыуын, бының өсөн даими тырышлыҡ һалырға кәрәклеген күрһәтә. Фёдоровка үҙәк дауаханаһының табип-эндокринологы Ф. Мәсәғүтова хәбәр итеүенсә, районыбыҙҙа икенсе типтағы диабет менән ауырыусылар һаны йылдан-йыл арта. Һәр ун йыл һайын ауырыуҙар икәләтә күбәйә.

Фигуристканың, шулай уҡ белгестәрҙең фекере буйынса, нәҡ көндәлек әүҙемлек ауырыуҙы контролдә тоторға һәм сәләмәтлегеңде үҙ аллы яҡшыртырға ярҙам итә.

Үҙ хәбәрсебеҙ.