Берҙәм, тырышып эшләйҙәр

Быҙауҙан киләсәктә хужалыҡҡа килем килтерерлек, мул һөт биргән яҡшы һыйыр үҫтереү өсөн күп көс һалырға кәрәк. Был эш “Искра” йәмғиәтендә яҡшы ойошторолған.

Ауыл хужалығы предприятиеһында таналар Түбәнге Алаштан ауылы янындағы айырым фермала урынлаштырылған. 416 баш малды Вячеслав Ермолаев, Александр Буркин, Владимир Сергеев, Василий Самодуров менән Леонид Сергеев ҡарай.

-Таналарҙы ҡасырыу ваҡыты еткәнсегә тиклем ҡарайбыҙ, шунан улар хужалыҡ фермалары буйынса таратыла,- тип аңлатты Леонид Владимирович.