Нуриман районында балыҡсылар ярышы үтте

Павловка һыу һаҡлағысында «Демография» милли проектының «Спорт - йәшәү нормаһы» федераль проекты сиктәрендә, йәйге ҡалҡыуыс менән балыҡ тотоу ярыштары үтте.

Яҡшы һауа торошо, саф һауа һәм күтәренке кәйеф менән - барыһы ла ҡатнашыусыларҙы ҡыуандырҙы. Спортсылар сәмләнеп ярышҡа әҙерләнде һәм һәр кем еңергә теләне.

- Йәйге балыҡ ҡармаҡлау бәйгеһе Башҡортостанда тәүге тапҡыр үткәрелә, һәм, әлбиттә, ғәҙәти булмаған ярышта ҡатнашыусылар өсөн - файҙалы  һәм яҡшы ял итеү мөмкинлеге бирҙе! Район халҡы һәм ҡунаҡтар араһында төрлө йәштәге кешеләрҙе күреү айырыуса ҡыуаныслы булды. Бөгөн беҙҙең барыбыҙҙы ла спортҡа һәм сәләмәт йәшәү рәүешенә һөйөү берләштерҙе, - тип билдәләне район хакимиәте башлығы Вилдан Ситдиҡов.

Яңылыҡ һәм фото сығанағы: https://nuriman.bashkortostan.ru/