Сәйҙәрегеҙ тәмле булһын!

"Тиҙ бәлеш" рецебы менән бүлешергә  булдым әле. Ҡамыр өсөн "һыуытҡыста нимә бар, шуны һалам", тиергә була. 0,5 л ҡатыҡ, кефир булһынмы, мин, ғәҙәттә, үҙе ойоған һөт ҡулланам. Шуға 100 гр аҡ май, өйрәк һурпаһының өҫтөн һалам, ул булмаһа 1 аш ҡашығы көнбағыш майы мөмкин, 2 аш ҡашығы шәкәр  ҡомо, 1 балғалаҡ сода һәм он. Ҡамыр йомшаҡ булырға тейеш. Уны  10-15 минутҡа төрөп ҡуям. Йоҡа итеп йәйеп, эслеген һалам. Эслеккә алма йәиһә еләктәр ҡулланам. Сәйҙәрегеҙ тәмле булһын!